特色食物？係架，全個香港都要賣特色食物，周圍都要邪惡流心芝士仲有紫薯，我就算人不在香港，淨係睇facebook講芝士紫薯都睇到厭，好似全世界得返呢兩種食材咁。什麼都是一窩蜂的去做，做到爛為止，特乜鬼野色、又創乜鬼野意？
其實「唔夠特色」，咪同啲港女話「唔夠上進」黎飛你的借口一樣。Come on, James... 你唔係真係信，佢等緊你諗過個特色餐牌同你續約呀嘛？大財團已經傾緊點裝修啦。係呀，到時出到黎又係美心大家樂，踢走你之後在門口畫返你間鋪黎，流到滿地鱷魚眼淚咁去向集體回憶致敬，咪同林鄭趕走晒啲海豚去起港珠澳大橋再同海豚5D畫開心合照咁囉。
之後你會問：特色？大家樂碗魚蛋粉有咩特色？
當然有特色，全港都一模一樣的味道、一模一樣的店鋪，全球只有香港做得到？倒模的食物、倒模的餐廳、倒模的商場、倒模的城市，這就是特色，僅此一家。
280萬豪裝？我有280萬去泰國退休唔好，要同你煮創意魚蛋粉？前世未辛苦過呀？
現時麵家檔位月租4萬，店鋪面積佔冬菇亭一半，店主打算接連承租其餘一半，惟領展開價月租12萬元，並要求他用280萬豪裝餐廳，更規定除魚蛋粉外，須自行構思提供其他特色食物。
店主：「魚蛋咪係我嘅特色囉，我咪建議賣快餐、加快餐店客飯，但佢哋（領展）話唔夠特色」。
【老闆離世 子未能續牌 大埔老麵家被迫停業】
http://bit.ly/2lnbmRY
Search